Foto: "Astarly aqiqat" baǵdarlamasynan alynǵan kadr
Almaty oblysynyń turǵyny 12 jastaǵy qyzyn 70-ti alqymdaǵan qariia zorlaǵanyn aityp shaǵymdandy. Ol osy máseleni kóterip, "Astarly aqiqat" baǵdarlamasyna júgingen, - dep habarlaidy Massaget.kz.
Almaty oblysy Shonjy aýylynyń turǵyny Aigúl Naǵymdieva kenje qyzyn 73 jastaǵy kórshisi qorlady dep dabyl qaqty. Áieldiń sózinshe, zeinetker jasóspirimdi arbaýyna túsirip, aram oiyn iske asyrǵan. Sondai-aq, áiel qyzy birneshe ret azǵyndyqtyń qurbany bolǵanyn málimdedi. Bul jait týraly alǵash qyzynyń muǵalimderinen estigen.
Shonjy aýyly turǵynynyń sózinshe, birinshi oqiǵa 22 naýryzda bolǵan.
"Áne 5-mektep. Janymyzda 5-mektep bar. Myna jerge alyp kelip, "aqsha beremin, kámpit beremin" dep qyzdy alyp júrgen. 3-úide turady. ...Balalar myna jerge kelgende, qyzdyń qolynan ustap, úiine alyp kirgen. Úiine aparyp jumysyn istegen. Ózi qasynda jatyp, qyzdy sipalap, qyzdyń ústine shyǵyp, zorlaǵan ǵoi. Odan keiin kiimin alyp, dalaǵa shyǵyp ketken. Qyz qashyp ketken. Ekinshi ret 9 sáýirde. Osy jerde úsh nemeremmen átkenshekke bara jatqan (kenje qyzy - esk.). Ol ustap alyp, úiine alyp kirgen. Myna jerde úsh nemeremdi tastap, jumysyn istegen. Kiimderdi sheship, ózi qasyna jatyp, qyzdy sipalap zorlaǵan", - deidi áiel.
12 jastaǵy qyzdyń ápkesiniń sózinshe, qyzdy úige kelgende ózi birinshi kórgen. Alaida ol sińlisi eshteńe aitpaǵanyn jetkizdi.
Al muǵalimder er adam mektep mańyna kelip, qyzben sóilesip turǵanyn baiqaǵan. Shonjy aýyldyq №5 mektebiniń direktory Leila Taipovanyń sózinshe, oqý ornynyń tárbie isi jónindegi orynbasary qyzǵa eskertý jasaǵan. Oqýshy mektepke kirip ketken. Muǵalimder er adam velosipedin alyp, ketip qalǵanyn aitady. Osy jaǵdaidan keiin pedagogter oqýshymen sóilesken. Al qyz bolǵan jaitty aitqan.
Qazir kúdikke ilingen zeinetker tergeý izoliatorynda otyr. Al kúdiktiniń uly ákesi kináli ekenine senbeidi, biraq tergeý ádil aiaqtalýy kerek dep esepteidi.
