Almaty oblysynda «emotsiiasyn» ustai almai, ústeldi judyryqpen urǵan bas dáriger Nurlan Qulseiitov qatań sógis aldy. Talǵar aýdandyq aýrýhanasynyń bas dárigerine mundai sheshimdi arnaiy komissiia shyǵardy, - dep habarlaidy "Ult aqparat".
«Almaty oblystyq Densaýlyq saqtaý basqarmasynyń 2020 jylǵy 17 karashadaǵy № 394-i «Kyzmettik tekseris júrgizý týraly» buiryǵy negizinde komissiia quryldy. Tekseris barysynda osy meditsinalyq uiymnyń basshysyna qatysty «Qatań sógis» túrinde tártiptik shara qabyldaý týraly sheshim qabyldandy», - delingen Almaty oblystyq Densaýlyq saqtaý basqarmasynyń baspasóz qyzmeti taratqan resmi habarlamada.
Esterińizge sala keteiik, Talǵar aýdandyq aýrýhanasynyń bas dárigeri kezdesý barysynda turǵyndardyń biriniń qoiǵan suraǵyna ashýlanyp, ústeldi judyryqpen urǵan. Artynsha zaldan shyǵyp ketken. Al turǵynnyń ashý týdyrtqan suraǵy aýrýhanada dárilerdiń jetispeýi jóninde bolǵan edi.
