Almaty oblysynda «Asyl-Arman» turǵyn úi kesheninde 6-shy úidiń 4-shi podezi karantinge jabyldy, dep habarlaidy "Ult aqparat".
Almaty oblystyq Taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Qairat Baimuhambetovtiń málimetinshe, koronavirýs juqtyrǵan adamdardyń biri osy turǵyn úi kesheninde turatyndyqtan osyndai shara qolǵa alyndy.
4-kireberis turǵyndaryna páterlerin tastap ketýge, qonaq qabyldaýǵa tyiym salynady. Sondai-aq, jumysy bar azamattar qalyptasqan jaǵdai boiynsha basshylaryn eskertip qoiýǵa mindetteldi. Karantin 14 kúnge jalǵasady. Qajet bolǵan jaǵdaida uzartylýy múmkin.
Sondai-aq, zalalsyzdandyrý jumystary Ile aýdanynyń Kókqainar jáne Jambyl aýdanynyń Aqqainar aýyldarynda da júrgiziledi. Sebebi bul eki aýyl koronavirýs anyqtalǵan eki azamattyń turǵylyqty mekeni.
Eske salsaq, Almaty oblysynda koronavirýstyń 4 jaǵdaiy tirkeldi. Elimiz boiynsha naýqastar sany – 204.
