Almaty oblysynda 4 oqýshyny kóligimen qaqqan mas júrgizýshi 10 jylǵa sottaldy. Eńbekshiqazaq aýdanynda bolǵan jantúrshigerlik oqiǵa saldarynan 9-10 jastaǵy eki qyz bala aýrýhanada kóz jumǵan bolatyn, dep habarlaidy "Ult aqparat".
Jańa ǵana Eńbekshiqazaq aýdanyndyq sotynyń sýdiasy Ainur Baltaqai úkimdi oqydy.
Eńbekshiqazaq aýdanyndaǵy Qoram aýylynyń 54 jastaǵy turǵyny A. Demesinov 10 jylǵa bas bostandyǵynan aiyryldy.
Esterińizge sala keteiik, 2 naýryz saǵat 18:40 shamasynda Eńbekshiqazaq aýdanynyń Qoram aýylynda mektepten qaityp kele jatqan 4 oqýshyny kólik qaǵyp ketken edi.
«Ýaz» avtokóligi jol jieginde turǵan 10 jasar eki jáne 9 jastaǵy eki qyzdy qaqty. Artynsha Qoram aýylynyń 54 jastaǵy turǵyny ustaldy. Ol kólikti mas kúiinde júrgizgen.
Ártúrli dene jaraqatyn alǵan úsh bala aýrýhanaǵa tústi. 14 naýryz kúni birinshi oqýshy, 4 sáýir kúni ekinshi oqýshy esin jimastan kóz jumdy.
Aita keteiik, Prezident Qasym-Jomart Toqaev mas júrgizýshige qatysty tergeýdi óz baqylaýyna alǵany habarlanǵan bolatyn.
