Almaty oblysy ákiminiń ókimimen Jandarbek Ermekuly Dalabaev Qarasai aýdanynyń ákimi laýazymyna taǵaiyndaldy. Bul týraly oblys ákimdiginiń baspasóz qyzmeti habarlady.
Aita ketsek, Jandarbek Ermekuly DALABAEV 1959 jyly týǵan. Qazaqtyń S. Kirov atyndaǵy memlekettik ýniversitetin jáne Almaty zootehnikalyq mal dárigerlik institýtin filosofiia oqytýshysy, zooinjener mamandyqtary boiynsha bitirgen.
Eńbek jolyn «Qastek» memlekettik asyl tuqymdy qoi zaýytynyń № 2 bólimshesinde shopannyń kómekshisi bolyp bastaǵan.
Ár jyldarda «Oktiabrdiń 60 jyldyǵy» atyndaǵy asyl tuqymdy qoi zaýyty komsomol komitetiniń bosatylǵan hatshysy, Jambyl aýdandyq partiia komitetiniń úgit jáne nasihat, ideologiia bólimderiniń nusqaýshysy, jalpy bólimniń meńgerýshisi, «Salqyn-Saz» AShK tóraǵasynyń orynbasary, bas zootehnigi, «Qastek» memlekettik asyl tuqymdy qoi zaýytynyń aǵa zootehnigi-selektsioneri, «Progress» keńshary direktorynyń orynbasary. Jambyl aýdandyq «Marketing jáne menedjment ortalyǵy» JShS direktory, aýdandyq «Otan» partiiasy uiymynyń konsýltanty, aýdan ákimi apparatynyń ishki saiasat bóliminiń meńgerýshisi, aýdan ákimi apparatynyń basshysy, Uzynaǵash aýylyndaǵy Sh. Ýálihanov atyndaǵy orta mektep direktory, aýdandyq mádeniet jáne sport bólimi bastyǵynyń m.a., aýdan ákiminiń orynbasary, aýdan ákimi, oblystyq bilim basqarmasynyń basshysy, oblys ákimi apparaty basshysynyń orynbasary boldy.
2014 jyldyń tamyz aiynan - Jambyl aýdanynyń ákimi.
Almaty oblysy ákiminiń ókimimen Mahabbat Sádýaqasuly Bigeldiev basqa jumysqa aýysýyna bailanysty Qarasai aýdanynyń ákimi qyzmetinen bosatyldy.
