Búgin Almaty oblysy ákiminiń birinshi orynbasary Lázzat Turlashevtyń jáne Agenttiktiń Almaty oblysy boiynsha departamenti basshysynyń birinshi orynbasary Jandos Jumabaevtyń qatysýymen oblystyq sybailas jemqorlyqqa qarsy is-qimyl máseleleri jónindegi vedomstvoaralyq komissiianyń kezekti otyrysy ótti.
Kezdesý barysynda sybailas jemqorlyqtyń túiitkildi mseleleri, ómirdiń túrli salalaryndaǵy erekshelikteri, onyń sebepteri men ziiandy saldary sóz boldy.
Otyrys barysynda Taldyqorǵan qalasynyń turǵyn úi-kommýnaldyq sharýashylyǵy salasyndaǵy ózekti máseleler, sondai-aq olardy sheshý joldary talqylandy.
Qatysýshylarǵa Almaty oblysy boiynsha Sybailas jemqorlyqqa qarsy qyzmet departamentiniń 2020-2021 jyldar kezeńinde turǵyn úi-kommýnaldyq sharýashylyq salasynda sybailas jemqorlyqqa qarsy is-qimyl boiynsha júrgizip jatqan jumystary týraly keńinen baiandaldy.
Máselen, oblys boiynsha Sybailas jemqorlyqqa qarsy qyzmet departamenti Taldyqorǵan qalasynyń turǵyn úi-kommýnaldyq sharýashylyǵy salasynda 2020-2021 jyldar kezeńinde osy vedomstvo qyzmetkerleriniń zańsyz áreketteri jóninde 50-den astam azamattan ótinish túsip (2020-20, 2021-32), 20 qylmys tirkelgen (2020 – 11, 2021 - 9), 15 laýazymdy tulǵa qylmystyq jaýapkershilikke tartylǵan (2020 - 7, 2021 - 8).
Sonymen qatar sybailas jemqorlyqqa qarsy qyzmettiń QR QIJK 200-b. tártibinde Taldyqorǵan qalasynyń turǵyn úi qatynastary salasynda qylmystyq quqyq buzýshylyqtar jáne basqa da buzýshylyqtar jasaýǵa yqpal etetin mán-jailardy joiý boiynsha engizgen usynymy qaraldy.
Aita ketsek, sybailas jemqorlyqqa qarsy is-qimyl máseleleri boiynsha aqparattyq-túsindirý jumystary turaqty negizde júrgizilip otyrady.
