Foto: pixabay.com
Almaty oblysynyń Mamandandyrylǵan aýdanaralyq ekonomikalyq sotynyń sýdiasy sottaldy, - dep habarlaidy "Ult aqparat" Antikor baspasóz qyzmetine silteme jasap.
Vedomstvo málimetinshe, biyl 17 qańtarda Almaty oblysynyń Mamandandyrylǵan aýdanaralyq ekonomikalyq sotynyń sýdiasy A. Abdrahmanovqa jáne basqa da adamdarǵa qatysty úkim shyǵarylǵan.
Buǵan deiin Sybailas jemqorlyqqa qarsy qyzmet Joǵarǵy Sotpen birlesip sýdianyń zańsyz qyzmetin toqtatqan.
"A. Abdrahmanov Qarasai aýdany Memlekettik kirister basqarmasynyń Óndirip alý bóliminiń basshysy A. Asilbekovtyń kómegimen eki JShS-ny bankrot dep tanyǵany úshin kásipkerden para aldy dep aiyptaldy.
Qonaev qalalyq sotymen A. Abdrahmanov 4 jyl merzimge bas bostandyǵynan aiyryldy.
A. Asilbekovke 122,5 mln teńge aiyppul túrinde jaza taǵaiyndaldy. Al para berýshi 3 jyl 6 ai merzimge bas bostandyǵynan aiyrýǵa sottaldy.
Sondai-aq sottalǵandar ómir boiy memlekettik qyzmette qyzmet atqarý quqyǵynan aiyrylady.
QR QK 41-babyna sáikes, aiyppul belgilengen merzimde tólenbegen jaǵdaida jaza sharasy bas bostandyǵynan aiyrýǵa aýystyrylady" - delingen habarlamada.
Sot úkimi zańdy kúshine engen joq.
