Almaty oblysyndaǵy temirjol ótkelinde júk poiyzy kólikti qaǵyp ótti, - dep habarlaidy Tengrinews.kz.
Oblystyq Politsiia departamenti baspasóz qyzmetiniń málimetinshe, 2 tamyzda Ile aýdanyndaǵy "Eńbek-Quiǵan" temirjolynda júk poiyzy men Audi 100 kóligi soqtyǵysqan.
"Soqtyǵys saldarynan kólik órtenip, onyń 40 jastaǵy júrgizýshisi oqiǵa ornynda qaza tapty. Kólikte bolǵan taǵy úsh er adam túrli dene jaraqattarymen ortalyq aýdandyq aýrýhanaǵa jetkizildi", - dedi politseiler.
Jol-kólik oqiǵasy QR Qylmystyq kodeksiniń 345-baby 3-bóligi "Abaisyzda adam ólimine ákep soqqan kólik quraldaryn basqaratyn adamdardyń jol júrisi nemese kólik quraldaryn paidalaný qaǵidalaryn buzý" boiynsha tergelip jatyr.
