Búgin Almaty oblysy boiynsha Sybailas jemqorlyqqa qarsy qyzmet departamenti men oblystyq bilim basqarmasy birlesip uiymdastyrylǵan «Parasatty otbasy» baiqaýy qorytyndylandy.
Baiqaýǵa jalpy Almaty oblysy boiynsha 150 ótinim kelip túsken. Ár otbasynyń beinerolikteri jan-jaqty taldanyp, eń kóp daýys alyp úzdik shyqqandar marapattaldy.
Baiqaýdyń basty maqsaty – otbasylyq qundylyqtardy nasihattaý, otbasy músheleri arasynda dostyq qarym-qatynasty, parasattylyqty, adaldyqty qalyptastyrý, sanaly tulǵany damytý jáne progressivti ideialary bar oqýshylardy anyqtaý. Baiqaý jeńimpazdary arnaiy daiyndalǵan madaqtaý qaǵazdarymen jáne baǵaly syilyqtarmen marapattaldy.
Beinerolikterdiń negizgi baǵyty balalarǵa parasattylyq qaǵidattaryn tárbieleýge jáne otbasylyq qundylyqtardy saqtaýǵa baǵyttalǵan. Baiqaý eki kezeńde ótkizildi. Baiqaýdyń birinshi kezeńinde aýdandyq (qalalyq) deńgeide úzdik jumystar irikteldi. Baiqaýdyń ekinshi kezeńinde irikteý oblystyq deńgeide ótkizilip, úmitkerler beinerolikter arqyly otbasy, eńbek pen oqýdaǵy jetistikteri jáne t.b. týraly qyzyqty aqparattaryn usyndy.
Is-shara sońynda Almaty oblysy boiynsha Sybailas jemqorlyqqa qarsy qyzmet departamenti basshysynyń birinshi orynbasary Jandos Saǵyndyquly baiqaý qatysýshylaryn shyn júrekten quttyqtap, otbasy qoǵamnyń negizgi elementi retinde adami qundylyqtardyń, mádeniettiń jáne urpaqtardyń tarihi sabaqtastyǵynyń saqtaýshysy, turaqtylyq pen damý faktory bolǵanyn jáne bolyp qala beretinin atap ótti.
Óz kezeginde, bilim basqarmasy basshysynyń orynbasary Aijan Mamanqyzy mundai baiqaýlar qoǵam úshin óte mańyzdy ekenin tilge tiek etti. Onyń aitýynsha, otbasy óskeleń urpaq úshin barlyq qundylyqtar men bilimdi sińirýdiń qainar kózi bolyp sanalady.
Baiqaý qorytyndysy boiynsha bas júldeni Ile aýdany atynan synǵa túsken Qasymjanovtar otbasy enshiledi. Birinshi orynǵa Qyzyrolja otbasy (Panfilov aýdany) ie bolsa, Qajiahmetovtar (Eskeldi aýdany) men Tórebaevtar otbasy (Jambyl aýdany) ekinshi orynnan kórindi. Al júldeli úshinshi oryn Serikbaevtar (Talǵar aýdany), Bekenovter (Qapshaǵai qalasy) jáne Bolathan otbasyna (Tekeli qalasy) buiyrdy. Sonymen qatar, oblys boiynsha 13 otbasy yńtalandyrý syilyqtaryna ie boldy.
