Foto: massaget.kz
Almaty oblysynyń Qarasai aýdanynda qurǵaq shóp órtenip, ot turǵyn jáne saiajai úilerine tarady. Órt saldarynan úsh adam qaza tapty, oqiǵanyń mán-jaiy anyqtalyp jatyr, - dep habarlaidy TJD baspasóz qyzmeti.
"30 tamyz saǵat 15:50-de Qarasai aýdany Turar aýylynyń mańynda 30 gektar aýmaqta qurǵaq shóp órtendi. Ot 7 saiajai úii men 6 sharýashylyq nysanyna (jalpy aýdany 531 sharshy metr), sondai-aq Honda Civic markaly kólikke, shóp qoraǵa, 132 sharshy metrlik qystaý qorasyna jáne 80 sharshy metrlik turǵyn úige tarady", – delingen habarlamada.
TJD málimetinshe, alǵashqy bólimsheler jetken kezde aýmaqtaǵy barlyq qurylys ashyq jalynmen órtenip jatqan.
Órtti sóndirýge Almaty oblysy TJD, Almaty qalasy TJD jáne jergilikti atqarýshy organdardyń 27 qyzmetkeri men 10 tehnikasy jumyldyrylǵan.
Órt 31 tamyz saǵat 00:20-da oqshaýlanǵan.
"Órt bolǵan jerden úsh adamnyń órtengen denesi tabyldy, oqiǵa boiynsha sot-meditsinalyq saraptama taǵaiyndaldy", – dedi baspasóz qyzmetindegiler.
Órttiń sebebin anyqtaý úshin oqiǵa ornynda órt-zertteý zerthanasynyń mamandary men TJD ókilderi jumys istep jatyr.
Buǵan deiin almatylyqtardy kópqabatty úilerdiń ústinen kóterilgen qara tútin alańdatqan bolatyn. Almaly aýdanyndaǵy Varlamov kóshesinde jeke úi órtengeni belgili boldy.
