Almaty oblysynda jeke turǵyn úiden shyqqan órt 2 sábidiń ómirin qidy. Bul jaiynda QR IIM Tótenshe jaǵdailar komitetinen málim etti, dep habarlaidy "Ult aqparat".
Vedomstvo málimetinshe, búgin saǵat 13.16-da órtke qarsy qyzmettiń pýltine Talǵar aýdanyna qarasty Óstemir aýylyndaǵy jeke turǵyn úidiń órtenip jatqany týraly habar túsken. Oqiǵa ornyna 35 shaqyrym shalǵaidan órt sóndirý bólimshesi kelip jetken kezde búkil úi qyzyl jalynǵa oranyp jatqan.
«Saǵat 14.14-te órttiń taralýy toqtatylyp, saǵat 14.21-de tolyǵymen sóndirildi. Jalyn sharpyǵan aýmaq 77 sharshy metrdi qurady. Órt sóndirýshiler jetkenge deiin kórshiler órtenip jatqan úiden 2016 jáne 2017 jyldary dúniege kelgen 2 balany shyǵaryp alǵan. Balalar aýdandyq aýrýhanaǵa barar jolda alǵan jaraqattary saldarynan jedel járdem kóliginde kóz jumdy. Órttiń shyǵý sebebi anyqtalýda», - dedi komitetten.
Órtti sóndirýge Almaty oblystyq Tóteshe jaǵdailar departamenti jeke quramynyń 8 mamany men 2 tehnikasy jumyldyrylǵan.
