Almaty oblysy Raiymbek aýdanynda qar barysy tabyldy, - dep habarlaidy Massaget.kz portaly.
Oblystyq orman sharýashylyǵy jáne janýarlar dúniesi aýmaqtyq inspektsiiasynyń habarlaýynsha, oqiǵa Tekes aýylynyń mańynda bolǵan. Qar barysy óriste júrgen mal arasynan tabylǵan.
Jergilikti turǵyn 19 sáýir kúni malyn óriske jaiyp júrgende qar barysyn keziktirgenin aityp, Raiymbek aýdandyq politsiia bólimine habarlaǵan.
"Barys tabylǵan jerge ormanshylar men tabiǵatty qorǵaý poltsiiasynyń qyzmetkerleri jetedi. Veterinar mamandar ańnyń jaǵdaiyn tekserdi. Ábden álsiregen jyrtqyshty Almaty haiýanattar baǵyna jetkizýdi uiǵardy. Qazir barys zobbaqqa ornalastyryldy. Onyń jaǵdaiy zoologiia institýty mamandarynyń qadaǵalaýynda", - dedi oblystyq orman sharýashylyǵy jáne janýarlar dúniesi aýmaqtyq inspektsiiasynyń bólim basshysy Nurlan Ormanbekov.
