Almaty oblysynda jaǵdaiy tómen otbasylardyń balalary mektep tarapynan ýaqytsha kompiýtermen qamtylady. Osy maqsatta jergilikti biýdjetten 12 mldr teńgeden asa qarajat bólindi, dep habarlaidy "Ult aqparat".
«Oblysta oqýshylardy kompiýterlik tehnikamen qamtamasyz etý úlesi 61 paiyzdy quraidy. Atalǵan máseleni sheshý úshin az qamtylǵan jáne jaǵdai tómen otbasylardyń balalaryn kompiýtermen qamtasý etý úshin qosymsha 75,6 myń kompiýter satyp alynyp, ýaqytsha paidalanýǵa beriledi. Tek kompiýterge bólengen qarajat 12,5 mlrd teńge. Arnaiy komissiia quryldy. Satyp alý jumystary kesheden bastalyp ketti», - dedi Almaty oblysynyń ákimi Amandyq Batalov.
Óńir basshysynyń sózinshe, biyl oblystyq bilim berý salasynyń biýdjeti 314,2 mlrd teńgeni qurap otyr. Ol byltyrǵy jylmen salystyrǵanda 108 mlrd teńgege artyq. Jalpy oblysta áleýmettik salaǵa bólingen biýdjet qarajatynyń 65% bilim salasyna baǵyttalǵan.
