Almaty oblysynda oqýshylar mingen avtobýs jol apatyna túsip, 9 bala zardap shekti, dep habarlaidy "Ult aqparat".
«Oqiǵa Jambyl aýdanynda bolǵan. Qazir 9 oqýshy Uzynaǵashtaǵy aýdandyq aýrýhanada jatyr. Balalardyń barlyǵy - Almaty qalasy Almaly aýdanyndaǵy bir mekteptiń oqýshylary. Olar avtobýspen Tańbaly tasty kórýge saiahattap shyqqan. Japa shekkenderdiń barlyǵynyń jaǵdaiy jaqsy. Dárigerler jetkinshekterge jan-jaqty tekserý júrgizip jatyr», - dedi Almaty oblysy ákiminiń baspasóz hatshysy Ǵalymurat Júkel.
Vedomstvo ókiliniń málimetinshe, qazir oqiǵa ornynda Jambyl aýdanynyń ákimi Baǵdat Áliev jáne prokýratýra men ózge de quzyrly organ ókilderi jol apatynyń tolyq mán-jaiyn anyqtap jatyr.
