Almaty oblysynda 10-synyp oqýshysy uialy telefondy qýattaǵyshqa qoiyp sóilesip, toq soǵyp mert bolǵan, - dep habarlaidy "Ult aqparat".
«Telefony balqyp ketken. Telefonnyń izderi betinde qap-qara bolyp tur. Telefon arqyly toq uryp, qulaq jaǵynan miyna áser etken, miynan júrekke barǵan. Júregi sol kezde toqtaǵan dedi», - dep qyzynan aiyrylǵan Aqyljan Ómirbaev qaiǵysymen bólisti.
Marqumnyń jaqyndarynyń sózinshe, qyzy qýattaǵyshty bazarlardyń birinen satyp alǵan.
Esterińizge sala keteiik, buǵan deiin Almaty oblysynda oqýshy qyzdyń qýattaǵyshta turǵan uialy telefonnyń toǵy soǵyp, mert bolǵanyn habarlaǵan bolatynbyz.
Osydan týra bir jyl buryn Almaty oblysynda týra osyndai qaiǵyly jaǵdai bolǵan edi. Ol kezde Qaratal aýdanynyń 14 jastaǵy oqýshysy qýattaǵyshta turǵan telefonynyń jarylyp ketýinen kóz jumdy.
Araǵa týra jyl salyp, oqiǵa bir oblystyń ekinshi aýdanynda qaitalanyp otyr. Sondyqtan mamandar, uialy telefondy qýattaǵyshqa qoiyp sóilesýge, telefon janynda uiyqtaýǵa bolmaitynyn qatań eskertedi. Sebebi bul sizdiń ómirińiz úshin qaýipti.
