الماتى وبلىسىندا 10-سىنىپ وقۋشىسى ۇيالى تەلەفوندى قۋاتتاعىشقا قويىپ سٶيلەسٸپ, توق سوعىپ مەرت بولعان, - دەپ حابارلايدى "ۇلت اقپارات".
«تەلەفونى بالقىپ كەتكەن. تەلەفوننىڭ ٸزدەرٸ بەتٸندە قاپ-قارا بولىپ تۇر. تەلەفون ارقىلى توق ۇرىپ, قۇلاق جاعىنان ميىنا ەسەر ەتكەن, ميىنان جٷرەككە بارعان. جٷرەگٸ سول كەزدە توقتاعان دەدٸ», - دەپ قىزىنان ايىرىلعان اقىلجان ٶمٸرباەۆ قايعىسىمەن بٶلٸستٸ.
مارقۇمنىڭ جاقىندارىنىڭ سٶزٸنشە, قىزى قۋاتتاعىشتى بازارلاردىڭ بٸرٸنەن ساتىپ العان.
ەستەرٸڭٸزگە سالا كەتەيٸك, بۇعان دەيٸن الماتى وبلىسىندا وقۋشى قىزدىڭ قۋاتتاعىشتا تۇرعان ۇيالى تەلەفوننىڭ توعى سوعىپ, مەرت بولعانىن حابارلاعان بولاتىنبىز.
وسىدان تۋرا بٸر جىل بۇرىن الماتى وبلىسىندا تۋرا وسىنداي قايعىلى جاعداي بولعان ەدٸ. ول كەزدە قاراتال اۋدانىنىڭ 14 جاستاعى وقۋشىسى قۋاتتاعىشتا تۇرعان تەلەفونىنىڭ جارىلىپ كەتۋٸنەن كٶز جۇمدى.
اراعا تۋرا جىل سالىپ, وقيعا بٸر وبلىستىڭ ەكٸنشٸ اۋدانىندا قايتالانىپ وتىر. سوندىقتان ماماندار, ۇيالى تەلەفوندى قۋاتتاعىشقا قويىپ سٶيلەسۋگە, تەلەفون جانىندا ۇيىقتاۋعا بولمايتىنىن قاتاڭ ەسكەرتەدٸ. سەبەبٸ بۇل سٸزدٸڭ ٶمٸرٸڭٸز ٷشٸن قاۋٸپتٸ.
