Almaty oblysyndaǵy meshitterdiń birinde ustazdyń jasóspirimderdi urǵany túsirilgen video áleýmettik jelide tarady. Bul jaǵdaiǵa qatysty Qazaqstan musylmandary dini basqarmasy túsinikteme berdi, dep habarlaidy ult.kz.
Kozachkov offside Telegram-arnasynda jariialanǵan videoda synypta er adamnyń birneshe balaǵa aiqailap, keibirin urǵany kórinedi.
Jazba avtorlarynyń málimetinshe, oqiǵa Qarasai aýdanyndaǵy meshit janyndaǵy oqý ornynda bolǵan.
Oqiǵa qashan bolǵan?
QMDB Almaty oblysyndaǵy ókildiginiń málimetinshe, video 2026 jylǵy maýsymnyń basynda «Imani jaz» dini saýattylyq boiynsha jazǵy kýrstar kezinde túsirilgen. Oqý Túrkistan-1 meshitinde ótken.
QMDB málimdeýinshe, meshittiń D.N. esimdi oqytýshysy balalardy tártipke shaqyrý kezinde emotsiiaǵa berilip, pedagogikalyq ádep normalaryna jáne oqytýshylyq qyzmet talaptaryna sai kelmeitin áreketke barǵan.
Oqiǵa belgili bolǵannan keiin arnaiy jiyn ótip, jaǵdai jan-jaqty qaralǵan.
«D.N. óz qateligin moiyndap, ókinish bildirdi jáne ata-analardan keshirim surady», – delingen QMDB málimdemesinde.
Ustaz qyzmetinen bosatyldy
QMDB málimetinshe, ata-analardan bul jaǵdaiǵa qatysty shaǵymy men narazylyǵy joq ekeni týraly jazbasha ótinishter jáne videojazbalar alynǵan.
Al oqýshylardy urǵan ustaz meshittegi oqytýshylyq qyzmetinen bosatylǵan.
