Almaty oblysynda koronavirýs juqtyrǵan úsh naýqas turatyn eldimekenderde dezinfektsiialaý jumystary bastalyp ketti, dep habarlaidy "Ult aqparat".
COVID-19 virýsyn juqtyrýdyń jańadan 3 jaǵdaiy tirkelgen bolatyn. Olar - Qarasai aýylynyń, Ile aýdanyndaǵy Kókqainar, Jambyl aýdanyndaǵy Aqqainar aýylynyń turǵyndary. Barlyǵy Qarasai aýdandyq infektsiialyq aýrýhanasynda em alýda.
«Aqqainar aýylyndaǵy jaǵdai tirkelgen úidi jáne ol úidiń kórshileriniń úiin, aýlasyn, tolyqtai ishi-syrtyn dezinfektsiialaý júrgizildi. Aýyldyń kóshelerine de zalalsyzdandyrý jumystary júrgizildi», - dedi Jambyl aýdany ákiminiń baspasóz hatshysy Baqtiiar Aitaly.
Aita keteiik, 1957 jyly týǵan əiel Ile aýdanynyndaǵy provizorlyq gospitalda karantinde jatqan bolatyn. Ol koronavirýs juqtyrǵan adammen bailanysta bolǵan. Əiel adamnan analizder alyndy. Taldaý qorytyndysy boiynsha, ol Qarasai aýdandyq infektsiialyq aýrýhanasyna aýystyryldy.
Ekinshi jaǵdaida - Jambyl aýdanynyń turǵyny, 1997 jyly týǵan qyz bala 20 naýryzda Ońtústik Koreiadan Ie Choý-Almaty OZ 577 reisimen ushyp kelgen.
Virýs sondai-aq 1995 jyly týǵan Qarasai aýdanynyń turǵynynan anyqtaldy. Ol júktiliktiń 21-22 aptasynda.
Eske salsaq, Almaty oblysynda koronavirýstyń barlyǵy 4 jaǵdaiy tirkeldi.
