Almaty oblysynda koronavirýs juqtyrǵandar sany qaita ósýde. Ótken táýlikte 166 adamnyń indetti juqtyrǵany tirkeldi, - dep habarlaidy "Ult aqparat".
Al 18 mamyr kúni indetti juqtyrǵandar sany 114 adam bolsa, 17 mamyrda 109 adamnan koronavirýs anyqtalǵan edi.
«Sońǵy aptada eń joǵary ósý qarqyny Balqash - 0,9%, Jambyl - 0,8%, Qarasai – 0,8%, Sarqan - 1,7%, Talǵar - 1,2%, Uiǵyr– 0,9% aýdandarynda baiqalady.
Sońǵy táýlikte KVI 166 jaǵdaiy tirkeldi, ósý qarqyny-0,7%. Onyń ishinde 143 simptomdyq jáne 23 simptomsyz jaǵdai», - delingen Almaty oblystyq sanitariialyq-epidemiologiialyq baqylaý departamentiniń baspasóz qyzmeti taratqan habarlamada.
Búgingi sońǵy aqparat boiynsha, 42 patsient statsionardan emdelip shyqty.174 adam úi oqshaýlaýynan shyǵaryldy.
Jalpy Almaty oblysynda koronavirýs juqtyrǵan 24 815 jaǵdai tirkelgen.
20 mamyr deiin 21 647 naýqas jazylyp shyqty.
