Almaty oblysynda qonjyǵyn qorǵamaq bolǵan aiý balyq aýlaýǵa barǵan adamdy talap óltirdi, – dep habarlaidy Polisia.kz.
Qaiǵyly oqiǵa 30 mamyr kúni saǵat 06.25 shamasynda Almaty oblysy Alakól aýdanynyń taýlarynda oryn aldy. Aiý 1979 jylǵy Resei Federatsiiasynyń azamatyna shabýyl jasaǵan. Atalǵan derek sotqa deiingi tergep-tekserýdiń biryńǵai tizilimine oqys oqiǵa retinde tirkeldi.
– Kýágerlerdiń aitýy boiynsha, qaitys bolǵan adam týystaryna demalýǵa kelgen Lepsinsk aýylynyń týmasy. 28 mamyr kúni oqys oqiǵaǵa tap bolǵan er adam “Laika” tuqymdy ittimen jáne úsh tanysymen birge atpen Lepsi ózenine balyq aýlaýǵa barǵan. 30 mamyr kúni, úige qaityp kele jatyp, jolaýshylar alty shaqyrymǵa jýyq jol júrgen. Sol sátte it aiýdyń qonjyqtaryn baiqap ony qýǵan. Itti borsyqtyń izine tústi dep oilaǵan atty jolaýshy sońdarynan ergen. Aǵashtardyń ósindisine júgirip ketken it, bir mezette qatty ulyǵan. Qaza bolǵan adam itine kómektespek bolyp aǵash ósindilerine kiripti. Biraz ýaqyt óte er adamnyń qatty daýysy estilgen. Sol sátte butalardy syndyra ósindi arasynan, jylqy men adamdardy qorqyta aiý shyǵyp, ormanǵa qarai qashqan. Qaza bolǵan adamnyń dostary onyń denesin kóptegen synyqtar men jaraqattary bar, ómir belgilerinsiz tapqan, zaqymdanýlar itten de tabylǵan, – deidi Alakól aýdandyq Politsiia bóliminiń basshysy Qýat Ospanov.
Politseiler kóktemgi kezeńde aiýlar óz qonjyqtaryn qorǵaý maqsatynda agressivti bolatyndyǵyn jáne osyǵan bailanysty saqtyq sharalaryn saqtaý qajettiligin eskertti. Adamǵa shabýyl jasaýǵa itermelegen sebep retinde aiýdyń qonjyǵyn qorǵamaq bolǵanyna bailanysty, aiý atylmaidy.
