Almaty oblysynda 13,5 milliard teńgege alym tólemei, kólik quraldaryn bastapqy tirkeýden ótkizýdiń 2 329 deregi anyqtaldy. Bul týraly Memlekettik kirister komiteti habarlady, - dep habarlaidy Tengrinews.kz.
Vedomstvo málimetinshe, Almaty oblysynda aýyr salmaqty kólikterdi bastapqy tirkeýge alym tólemei shetelden ákelý deregi anyqtalǵan.
"Almaty oblysynyń salyq organdary Almaty oblysy Ákimshilik politsiia basqarmasynyń tekserý qorytyndysy boiynsha (2018-2021 jyldar kezeńinde) 13,5 milliard teńgege kólik quraldaryn alym tólemei bastapqy esepke qoiýdyń 2 329 deregin anyqtady.
Ózge elderden ákelingen kólikter, atap aitqanda, shyqqan ýaqyty jeti jyldan asqan júk traktorlaryn bastapqy tirkeý kezinde 2500 AEK kóleminde alym tólemegeni anyqtaldy (2019 jyly - 6,3 million teńge, 2020 jyly - 6,9 million teńge, jyly 2021 jyly - 7,3 million teńge)", - delingen habarlamada.
Memlekettik kirister komitetinde bul derekter mindetti tólemderdi naqty tólemei qyzmetterdi alýdyń júieli tásilin kórsetedi, bul biýdjettiń aitarlyqtai shyǵynyna ákeletini aityldy.
Ákimshilik politsiia túspegen alym somasyn óndirip alý boiynsha is-sharalar júrgizip jatyr. Tekserý nátijeleri kináli adamdar tobyn anyqtaý jáne tiisti sheshim qabyldaý úshin quqyq qorǵaý organdaryna jiberildi.
