Almaty oblysynda kólik apatyn jasaǵan politsiia qyzmetkeri qamaýǵa alyndy. Jol-kólik oqiǵasy saldarynan 20 jastaǵy jolaýshy aýrýhanada kóz jumdy, - dep habarlaidy QazAqparat.
Almaty oblystyq Politsiia departamenti baspasóz qyzmetiniń málimetinshe, oqiǵa 23-qańtar kúni Almaty-Talǵar jolynyń 12-shi shaqyrymynda bolǵan.
«Toiota Prado» jáne «Honda Strim» kólikteriniń apaty boiynsha QR QK 345 babynyń 3 bóligi jáne qylmystyq kodekstiń 347 babyna sáikes is qozǵalyp, tergeý júrip jatyr.
Oqiǵa saldarynan «Honda Strim» kóliginiń júrgizýshisi jáne jolaýshysy túrli dene jaraqatymen Almaty qalasyndaǵy oblystyq aýrýhanaǵa túsken. 20 jastaǵy jolaýshysy aýrýhanada kóz jumǵan.
«Toiota Prado» kóliginiń júrgizýshisi qarsy baǵytqa shyǵyp, kólikke soǵylyp, oqiǵa ornynan qashyp ketken. Kóp uzamai politsiia ony qolǵa túsirdi. Tekseris kezinde anyqtalǵandai, jol talǵamaityn kólikti ishki ister organynda qyzmet isteitin adam júrgizgen.
Oblystyq politsiia departamenti qyzmettik tekseris júrgizip, ol adam 24-qańtar kúni jumystan qýyldy. Qazir barlyq saraptama taǵaiyndalyp, tergeý júrip jatyr», - delingen Almaty oblystyq Politsiia departamenti baspasóz qyzmetiniń habarlamasynda.
