Jerde jatqan jylqyny jol talǵamaityn kólikpen ádeii basqan Almaty oblysy Mejdýrechensk aýylynyń 38 jastaǵy turǵyny video arqyly keshirim surady, - dep habarlaidy Massaget.kz.
Video áleýmettik jelilerde jariialanǵan. Onda er adam baqshasy búlingenine ashýlanǵanyn aitqan.
"Istegen isim úshin keshirim suraimyn, óitkeni jylqyny aýlamda kólikpen bastym. Baqsham búlingenine júikem juqardy. Osy janýardyń ielerinen keshirim suraimyn, árine, durys istemedim. Óz kinámdi moiyndaimyn, qashpaimyn, sondyqtan keshirińizder", - dedi ol.
Eske salaiyq, Almaty oblysynda jylqyny qasaqana basqan júrgizýshiniń videosy Jelide qyzý talqylanǵan edi. Kúdiktini politsiia ustaǵan. Quqyq qorǵaý organdarynyń málimetinshe, Mejdýrechensk aýylynyń 38 jastaǵy turǵyny aýyldastarymen janjal kezinde jylqyny basqan. Er adam óziniń áreketin baqshasynan 20-ǵa jýyq jaiylyp júrgen jylqyny shyǵarýǵa tyrystym dep túsindiripti.
Janýar aman qalǵan, biraq ieleri onyń jaraqaty bolǵandyqtan, baýyzdaýǵa májbúr bolǵan.
