Almaty oblysynda koronavirýs infektsiiasy boiynsha epidemiologiialyq ahýal nasharlai túsýde, óńir «qyzyl» aimaqta. Bul týraly oblystyń Sanitarlyq-epidemiologiialyq baqylaý departameti málim etti, dep habarlaidy "Ult aqparat".
Epidemiologiialyq matritsa baǵalaýy boiynsha, Eskeldi men Talǵar aýdany, Tekeli men Taldyqorǵan qalasy «qyzyl» aimaqta, Ile, Qaratal aýdandary «sary» aimaqta, qalǵan qalalar men aýdandar «jasyl» aimaqta.
2020 jyldyń naýryz aiynan beri KVI-diń 29 872 laboratoriialyq rastalǵan jaǵdaiy tirkeldi. Olardyń 19 167-si - simptommen. Oblys boiynsha koronavirýstyń ósý qarqyny sońǵy eki aptada 0,4%-dan 0,6%-ǵa artty.
Negizinen, KVI jáne «Delta» vaktsinalanbaǵan turǵyndar arasynda tirkelgen, bul vaktsinatsiianyń tiimdiligi joǵary ekenin kórsetedi.
Búgingi tańda birinshi komponentpen 513 109 adam egildi, ekinshi komponent 291 549 adamǵa salyndy. Vaktsinalanǵandar sany boiynsha pedagogtar (37 594) jáne meditsina qyzmetkerleri (23 167) kósh bastap tur.
