Almaty oblysynda eki oqýshy qyzǵa qoǵamdyq dárethanada tap bergen kúdikti ustaldy. Ol Uiǵyr aýdanynyń 31 jastaǵy turǵyny bolyp shyqty, dep habarlaidy QazAqparat.
Almaty oblystyq politsiia departamenti baspasóz qyzmetiniń málimetinshe, oqiǵa Uiǵyr aýdanynyń ortalyǵy Shonjyda bolǵan.
9 shilde kúni Uiǵyr aýdanynyń politsiiasyna kámeletke tolmaǵan eki oqýshynyń ata-anasynan aryz túsken.
Shaǵymdanýshylar 17 jastaǵy qyzdaryna qoǵamdyq dárethanada belgisiz er adamnyń tap berip, zorlamaq bolǵanyn jetkizgen.
Qyzdar óz kúshimen qashyp shyqqan.
«Jedel izdestirý kezinde kúdikti ustaldy. Ol 31 jastaǵy Uiǵyr aýdanynyń turǵyny bolyp shyqty. Tekserý barysynda onyń aqyl-esi kem ekeni, arnaiy psihonevrologiialyq dispanserde esepte turatyny anyqtaldy. Oǵan qatysty naqty sheshim arnaiy taǵaiyndalǵan psihiatriialyq saraptamadan keiin belgili bolady», - delingen oblystyq politsiia departamentiniń baspasóz qyzmeti taratqan habarlamada.
Eki shaǵym iesiniń aryzyna sáikes kúdiktiniń ústinen «zorlaýǵa oqtalý» baby boiynsha qylmystyq is qozǵalǵan.
