الماتى وبلىسىندا ەكٸ وقۋشى قىزعا قوعامدىق دەرەتحانادا تاپ بەرگەن كٷدٸكتٸ ۇستالدى. ول ۇيعىر اۋدانىنىڭ 31 جاستاعى تۇرعىنى بولىپ شىقتى, دەپ حابارلايدى قازاقپارات.
الماتى وبلىستىق پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, وقيعا ۇيعىر اۋدانىنىڭ ورتالىعى شونجىدا بولعان.
9 شٸلدە كٷنٸ ۇيعىر اۋدانىنىڭ پوليتسيياسىنا كەمەلەتكە تولماعان ەكٸ وقۋشىنىڭ اتا-اناسىنان ارىز تٷسكەن.
شاعىمدانۋشىلار 17 جاستاعى قىزدارىنا قوعامدىق دەرەتحانادا بەلگٸسٸز ەر ادامنىڭ تاپ بەرٸپ, زورلاماق بولعانىن جەتكٸزگەن.
قىزدار ٶز كٷشٸمەن قاشىپ شىققان.
«جەدەل ٸزدەستٸرۋ كەزٸندە كٷدٸكتٸ ۇستالدى. ول 31 جاستاعى ۇيعىر اۋدانىنىڭ تۇرعىنى بولىپ شىقتى. تەكسەرۋ بارىسىندا ونىڭ اقىل-ەسٸ كەم ەكەنٸ, ارنايى پسيحونەۆرولوگييالىق ديسپانسەردە ەسەپتە تۇراتىنى انىقتالدى. وعان قاتىستى ناقتى شەشٸم ارنايى تاعايىندالعان پسيحياترييالىق ساراپتامادان كەيٸن بەلگٸلٸ بولادى», - دەلٸنگەن وبلىستىق پوليتسييا دەپارتامەنتٸنٸڭ باسپاسٶز قىزمەتٸ تاراتقان حابارلامادا.
ەكٸ شاعىم يەسٸنٸڭ ارىزىنا سەيكەس كٷدٸكتٸنٸڭ ٷستٸنەن «زورلاۋعا وقتالۋ» بابى بويىنشا قىلمىستىق ٸس قوزعالعان.
