Almaty oblysynda dúniege kelgen úshemge kásipker bes bólmeli úi syilady, - dep habarlaidy QazAqparat.
QR Tuńǵysh Prezidenti kúni men el Táýelsizdiginiń 30 jyldyǵyna orai Ile aýdannyń Aqshi aýylynda 7 balaly otbasy baspanaly boldy.
«Aqshi aýylynyń ortasynan «Dáýlet - Beket» JShS basshysy Sydyq Ábýáli jaqynda dúniege kelgen úshemge 120 sharshy metrdi quraityn 5 bólmeli úi salyp berdi. Búginde Maimievter áýleti 7 balany tárbielep otyr. Aqmaral Jalǵasqyzy bolsa, QR Prezidentiniń jarlyǵyna sáikes memlekettik «Altyn alqa» alqasymen nagradtalǵan»,- delingen Ile aýdany ákiminiń baspasóz qyzmeti taratqan habarlamada.
Úshemniń esimin Málika, Mádina, Múslima dep qoiǵan ata-anasy endigi balalarym jyp-jyly úide emin-erkin ósedi dep rizashylyǵyn bildirdi.
Aita keteiik, januiadaǵy taǵy 4 bala Aqshi aýylynyń №8 mektebinde bilim alady. Aitýly sharaǵa aýdan ákimi Baǵdat Qarasaev qatysyp, Máimievterdiń qýanyshymen bólisti.
