Respýblikalyq «Biz birgemiz» aktsiiasynyń aiasynda «Nur Otan» partiiasynyń Almaty oblystyq filialy 793 muqtaj otbasyǵa kómek berdi, dep habarlaidy "Ult aqparat" óńir basshysynyń baspasóz qyzmetine silteme jasap.
Elbasy, «Nur Otan» partiiasynyń Tóraǵasy Nursultan Ábishuly Nazarbaevtyń bastamasymen partiianyń koronavirýspen kúresti kúsheitý maqsatynda halyqqa kómek kórsetýge baǵyttalǵan «Biz birgemiz» aktsiiasy bastalǵan bolatyn.
Partiia filialynyń málimetine qaraǵanda, partiia músheleriniń, barlyq deńgeidegi máslihat depýtattarynyń qoldaýymen quny 12,3 mln. teńge bolatyn azyq-túlik pen jeke gigiena quraldary satyp alyndy. Partiianyń aimaqtyq filialdary, «Jas Otan» jastar qanatynyń jastary men eriktileri partiianyń «Baqytty otbasy», «Ardagerlerdi ardaqtaiyq», «Kedergisiz keleshek» jobasynyń aiasynda jalpy sany 793 otbasyǵa antiseptikalyq quraldar, meditsinalyq maskalar jáne azyq-túliktermen kómek kórsetildi.
Atap ótsek, oblysta "Birgemiz, Jetisý" qaiyrymdylyq qory qurylyp, qor jumysy óńirdegi halyqtyń áleýmettik áljýaz toptaryna qajetti kómek kórsetýge baǵyttalǵan.
