Búgin Almaty oblysynda Ile aýdandyq bas sanitarlyq dárigerdiń qaýlysymen LA 155/4 túzeý mekemesinen karantin rejimi alynyp tastaldy, dep habarlaidy "Ult aqparat".
«Áiel bosanýǵa daiyndalyp júrgendikten, sondai-aq tekserilýge birneshe ret barǵan aýdandyq aýrýhana keiinnen karantinge jabylýyna bailanysty odan analiz birneshe ret alyndy. Keshe oǵan koronavirýs infektsiiasyna taldaý qaita jasaldy. Ol teris nátije kórsetti. Covid-19-ǵa test sondai-aq onymen bailanysta bolǵan jazasyn óteýshilerge jáne mekeme qyzmetkerlerine, jalpy 67 adamǵa jasaldy. Barlyǵynda nátije teris boldy», - delingen polisia.kz saitynda.
Buǵan deiin habarlaǵanymyzdai, infektsiia anyqtalǵanǵa deiin aiaǵy aýyr kelinshek túzeý mekemesiniń meditsinalyq bóliminde ózge naýqastardan oqshaýlandyrylǵan. Onda koronavirýs indetine tán belgiler baiqalmaǵan.
Koloniiada dezinfektsiia sharalary júrgizildi.
Esterińizge sala keteiik, atalǵan túrmede jazasyn ótep jatqan aiaǵy aýyr 22 jastaǵy kelinshekten koronavirýs anyqtalǵan bolatyn.
