Foto: AR
Almaty oblysynda atys bolyp, bir adam qaza tapty. Bul týraly Almaty oblysynyń politsiia departamentiniń bastyǵy Baýyrjan Álenov Instagram-paraqshasynda habarlady.
Esterińizge sala keteiik, 7 qyrkúiekte Ile aýdanynyń ortalyq aýrýhanasyna tegis uńǵyly qarýdan jaraqat alǵan 4 jergilikti turǵyn tústi. Taǵy bir adam aýrýhanaǵa barar jolda qaitys boldy.
"Jedel-izdestirý is-sharasy barysynda politsiia qyzmetkerleri Almaty oblysynda atys qatysýshylaryn anyqtap, ustady.
Atalǵan derek QR Qylmystyq kodeksiniń 99-baby (Kisi óltirý) jáne QR Qylmystyq kodeksiniń 293-baby 3-bóligi (Buzaqylyq) boiynsha tirkeldi.
Oqiǵanyń mán-jaiy anyqtalyp jatyr" - delingen habarlamada.
Qazirgi ýaqytta saraptamalyq tekserýler taǵaiyndalyp, barlyq qajetti tergeý sharasy júrgizilýde.
Aimaqtaǵy jaǵdai turaqty jáne baqylaýda.
