Foto: ashyq derekkóz
Almaty oblysynda áskeri tikushaqtyń joǵalýyna bailanysty izdestirý-qutqarý operatsiiasy bastaldy, dep habarlaidy Ult.kz Qorǵanys ministrligine silteme jasap.
Resmi málimet boiynsha, 2025 jylǵy 25 shildede josparly ushý kezinde Qazaqstan Qarýly kúshteri Áýe qorǵanysy kúshterine tiesili EC-145 úlgisindegi tikushaq radardan joǵalyp ketken.
"Aldyn ala derekterge sáikes, bortta úsh ekipaj múshesi bolǵan. Qazirgi ýaqytta Qorǵanys ministrligi, Tótenshe jaǵdailar ministrliginiń kúshteri men quraldary jumyldyrylyp, izdestirý-qutqarý jumystary júrgizilýde", – delingen ministrlik taratqan habarlamada.
Qorǵanys ministriniń tapsyrmasymen oqiǵa ornyna arnaiy komissiia jiberilip, jaǵdaidyń mán-jaiy anyqtalýda.
Vedomstvo qosymsha aqparat jariialanatynyn málimdedi.
