Almaty oblysynda Ulttyq ulannyń merzimdi áskeri qyzmetshisi qaza tapqan jerden sýretter men video jariialandy, - dep habarlaidy Tengrinews.kz agenttigi Ulttyq ulannyń baspasóz qyzmetine silteme jasap.
Ulttyq ulannyń "Ońtústik" óńirlik qolbasshylyǵy baspasóz qyzmeti málimetinshe, 9 tamyzda saǵat 20.55 shamasynda qatty jel soǵyp, daýyl turǵan. Nátijesinde shatyrlar qiraǵan.
Baspasóz qyzmeti daýyl saldary túsirilgen kadrlardy usyndy.
Eske salaiyq, Almaty oblysynda Qazaqstan Respýblikasy Ulttyq ulany 5571 áskeri bóliminiń merzimdi qyzmettegi áskeri qyzmetshisi qaza bolǵany habarlanǵan bolatyn.
9 tamyzda qatty daýyl kóterilip, jel saldarynan sarbazdar ornalasqan shatyr qalashyǵy búline bastaǵan. Qatardaǵy jaýynger A.N. Shahimov áriptesteriniń qaýipsiz orynǵa shyǵýyna kómektesip júrip, basyna shatyrdyń temir jaqtaýy tiip jaraqat alǵan. Ol aýrýhanaǵa jetkizilgende qaza bolǵan.
