Almaty oblysynda qutqarýshylar avtokólik astynda qalǵan áieldi aman alyp qaldy, dep habarlaidy ult.kz.
Oqiǵa Alataý qalasyndaǵy «Prostor» saiajai qoǵamynyń aýmaǵynda bolǵan. Tótenshe jaǵdai týraly habarlama 112 qyzmetine túskennen keiin oqiǵa ornyna qutqarýshylar jedel jetken.
Mamandar jergilikti turǵyndarmen birlesip, kólik astynda qalǵan áieldi shyǵaryp aldy. Zardap shegýshi qaýipsiz jerge jetkizilip, oǵan alǵashqy meditsinalyq kómek kórsetildi.
Keiin áiel jedel járdem brigadasyna tapsyryldy. Onyń qazirgi jaǵdaiy naqtylanyp jatyr.
