Almaty oblysynda 9 provizorlyq statsionar jabyldy. Bul - Taldyqorǵan, Tekeli qalalary men Eskeldi, Kóksý aýdandaryndaǵy emdeý mekemelerinen ashylǵan provizorlyq ortalyqtar, dep habarlaidy "Ult aqparat".
Koronavirýsqa shaldyqqandar sanynyń azaiyp, indetten jazylǵandardyń artýyna bailanysty óńirde 9 provizorlyq ortalyq jabyldy.
Alaida bul ortalyqtar kúz-qys ailarynda pandemiianyń ekinshi tolqyny bola qalǵan jaǵdaida qaita jumys isteidi.
Almaty oblystyq densaýlyq saqtaý basqarmasynyń basshysy Ómirzaq Niiazbekovtyń aitýynsha, oblysta koronavirýs indetiniń ekinshi tolqynyna daiyndyq qyzý. Eki ailyq dári-dármek qory jinaqtalyp, qosymsha 50 mln teńgege qajetti preparattarǵa tapsyrys berilgen.
Sondai-aq oblystaǵy emdeý mekemelerinde 300-den asa ókpeni jasandy jeldetý apparaty bar. Aldaǵy ýaqytta onyń sanyn kóbeitý josparlanyp otyr.
«700-den artyq ottegi kontsentratory bar. Ókpeni jasandy jeldetý apparatyn 500-den asyramyz. Densaýlyq saqtaý ministrligi qazirdiń ózinde 119 apparat alyp beredi. 100 apparatty ózimiz satyp alǵaly jatyrmyz. Jáne de gýmanitarlyq kómekpen bizge túsip jatyr», - deidi basqarma basshysy.
