الماتى وبلىسىندا 9 پروۆيزورلىق ستاتسيونار جابىلدى. بۇل - تالدىقورعان, تەكەلٸ قالالارى مەن ەسكەلدٸ, كٶكسۋ اۋداندارىنداعى ەمدەۋ مەكەمەلەرٸنەن اشىلعان پروۆيزورلىق ورتالىقتار, دەپ حابارلايدى "ۇلت اقپارات".
كوروناۆيرۋسقا شالدىققاندار سانىنىڭ ازايىپ, ٸندەتتەن جازىلعانداردىڭ ارتۋىنا بايلانىستى ٶڭٸردە 9 پروۆيزورلىق ورتالىق جابىلدى.
الايدا بۇل ورتالىقتار كٷز-قىس ايلارىندا پاندەمييانىڭ ەكٸنشٸ تولقىنى بولا قالعان جاعدايدا قايتا جۇمىس ٸستەيدٸ.
الماتى وبلىستىق دەنساۋلىق ساقتاۋ باسقارماسىنىڭ باسشىسى ٶمٸرزاق نييازبەكوۆتىڭ ايتۋىنشا, وبلىستا كوروناۆيرۋس ٸندەتٸنٸڭ ەكٸنشٸ تولقىنىنا دايىندىق قىزۋ. ەكٸ ايلىق دەرٸ-دەرمەك قورى جيناقتالىپ, قوسىمشا 50 ملن تەڭگەگە قاجەتتٸ پرەپاراتتارعا تاپسىرىس بەرٸلگەن.
سونداي-اق وبلىستاعى ەمدەۋ مەكەمەلەرٸندە 300-دەن اسا ٶكپەنٸ جاساندى جەلدەتۋ اپپاراتى بار. الداعى ۋاقىتتا ونىڭ سانىن كٶبەيتۋ جوسپارلانىپ وتىر.
«700-دەن ارتىق وتتەگٸ كونتسەنتراتورى بار. ٶكپەنٸ جاساندى جەلدەتۋ اپپاراتىن 500-دەن اسىرامىز. دەنساۋلىق ساقتاۋ مينيسترلٸگٸ قازٸردٸڭ ٶزٸندە 119 اپپارات الىپ بەرەدٸ. 100 اپپاراتتى ٶزٸمٸز ساتىپ العالى جاتىرمىز. جەنە دە گۋمانيتارلىق كٶمەكپەن بٸزگە تٷسٸپ جاتىر», - دەيدٸ باسقارما باسشىسى.
