Búgin Almaty oblysynda 24 adamnyń koronavirýs juqtyrǵany anyqtaldy. Olar - Kegen, Ile, Eskeldi aýdandary men Taldyqorǵan qalasynyń turǵyndary. Naýqastardyń eń úlkeni - 76 jastaǵy zeinetker bolsa, eń kishisi - 6 ailyq sábi, - dep habarlaidy "Ult aqparat".
Almaty oblysy ákiminiń baspasóz qyzmetiniń málimetinshe, naýqastar meditsinalyq komissiiadan ótý , meditsinalyq kómekke júginý jáne buryn aýyrǵandarmen bailanysta bolǵan azamat retinde tekserilý kezinde anyqtalǵan.
Qazir indet juqtyrǵandar Taldyqorǵandaǵy áskeri gospitaldiń, Qarasai aýdandyq aýrýhanasynyń, Shelektegi aýdandyq aýrýhananyń infektsiia bólimderine jatqyzyldy.
Olarmen 143 adamnyń bailanysta bolǵany belgili boldy. Barlyǵy oqshaýlanyp, epidemiologiialyq tekserý júrgizilip jatyr.
21 mamyrdaǵy jaǵdai boiynsha Almaty oblysynda KVI infektsiiasymen tirkelgender sany 262-ge jetti.
