Almaty oblysynda 52 júkti áiel koronavirýs juqtyrǵan. Qazir olar barlyq qajetti em-domyn qabyldap jatyr, dep habarlaidy "Ult aqparat".
Sońǵy táýlikte Almaty oblysynda 104 adamnan indet anyqtalǵan. Onyń 20-sy simptomsyz.
Ásirese qyzyl aimaqqa engen Almaty qalasymen kórshiles jatqan aýdandarda jaǵdai turaqty emes.
Óńir basshylary aldaǵy aptada karantindik sharalardy kúsheitip, jańa qaýly daiyndaýǵa kirspek.
«Demalys kúnderi qoǵamdyq tamaqtaný oryndary men saýda-sattyq jáne oiyn-saýyq orydarynyń jumysyna shekteý engiziledi», - deidi oblystyq sanitarlyq baqylaý departamenti basshysynyń orynbasary Ashat Sharapiev.
Sondai-aq onyń aitýynsha tórtinshi toqsanda 1-5 synyp oqýshylaryna kezekshi synyptardy ǵana qaldyryp, onlain oqytý josparlanǵan.
Almaty oblysy ákiminiń orynbasary Batyrjan Baijumanovtyń málimetinshe óńirde jyl basynan beri karantin talabyn saqtamaǵan 600-ge jýyq jaǵdai tirkelip, 38 mln teńgeniń aiyppuly salynǵan.
