Foto: DifferR\shutterstock
Almaty oblysynda 514 myń ga paidalanylmaityn aýyl sharýashylyǵy nysanyndaǵy jerler anyqtaldy, dep habarlaidy "Ult aqparat" óńir basshysynyń baspasóz qyzmetine silteme jasap.
"Sottarǵa 109 myń ga paidalanylmaityn jer ýchaskelerin memleket menshigine qaitarý týraly 198 talap-aryz joldandy. Qazirgi ýaqytta sot sheshimderimen jalpy aýdany 30 myń ga jer ýchaskeleri boiynsha 44 talap-aryz qanaǵattandyryldy.
Oblystyń jer resýrstaryn basqarý departamenti 50 myń ga aýmaqtaǵy 248 sýbektige uiǵarym berdi.
Erikti negizde 38 myń ga jer memlekettik menshikke qaitaryldy. Jalpy aýdany 83 myń ga jer ýchaskeleri boiynsha 186 sýbektini paidalanýǵa kiristi. Aýdany 3 myń ga 5 jer ýchaskesi iesiz múlik retinde esepke qoiyldy" - delingen habarlamada.
Qalǵan jer ýchaskeleri boiynsha tiisti sharalar qabyldaý úshin materialdar jinaý jumystary júrgizilip jatyr.
