Almaty mańynda jol apattynan úsh adam mert bolyp, taǵy úsheýi aýrýhanaǵa jetkizildi, dep habarlaidy "Ult aqparat".
«Jol apaty 5 sáýirde túnde Almaty oblysynyń Ótegen batyr aýylyna kire beris jerinde boldy. Jyldamdyqty tym asyrǵan RX300 júrgizýshisi belgisiz sebeppen qarsy baǵytqa shyǵyp ketip, «Volkswagen Golf» kóligin soqty. «Lexus» onymen toqtamai, qarsy baǵyttaǵy jolda kele jatqan «Pontiac Vibe» kóligin bir túirep ótip, jyldamdyǵy basylmaǵan kúii Audi 100 kóligin qosa soqty. Qatty soqqydan Audi aýdarylyp qaldy. Odan keiin «Lexus» baryp «Hyundai Accent» kóligin soǵyp, aýdarylǵan», - dep habarlady oblystyq Politsiia departamentiniń baspasóz qyzmeti.
Apat saldarynan úsh adam qaza tapty. «Audi» kóliginde otyrǵan júrgizýshi men men onyń jolaýshysy oqiǵa ornynda kóz jumdy. Keiinirek aýrýhanada «Hyundai» júrgizýshisi de jan tapsyrdy. Al, «Lexus» júrgizýshisi men onyń eki jolaýshysy túrli dene jaraqattarmen Ótegen batyr kentindegi aýrýhanaǵa jatqyzyldy.
Atalǵan derek QR QK 345-baby, 4-bóligi boiynsha sotqa deiingi tergeý bastaldy. Tiisti saraptamalar taǵaiyndaldy.Tergeý barysynda oqiǵanyń naqty sebepteri men mán-jaiy anyqtalady.
