الماتى ماڭىندا جول اپاتتىنان ٷش ادام مەرت بولىپ, تاعى ٷشەۋٸ اۋرۋحاناعا جەتكٸزٸلدٸ, دەپ حابارلايدى "ۇلت اقپارات".
«جول اپاتى 5 سەۋٸردە تٷندە الماتى وبلىسىنىڭ ٶتەگەن باتىر اۋىلىنا كٸرە بەرٸس جەرٸندە بولدى. جىلدامدىقتى تىم اسىرعان RX300 جٷرگٸزۋشٸسٸ بەلگٸسٸز سەبەپپەن قارسى باعىتقا شىعىپ كەتٸپ, «Volkswagen Golf» كٶلٸگٸن سوقتى. «Lexus» ونىمەن توقتاماي, قارسى باعىتتاعى جولدا كەلە جاتقان «Pontiac Vibe» كٶلٸگٸن بٸر تٷيرەپ ٶتٸپ, جىلدامدىعى باسىلماعان كٷيٸ Audi 100 كٶلٸگٸن قوسا سوقتى. قاتتى سوققىدان Audi اۋدارىلىپ قالدى. ودان كەيٸن «Lexus» بارىپ «Hyundai Accent» كٶلٸگٸن سوعىپ, اۋدارىلعان», - دەپ حابارلادى وبلىستىق پوليتسييا دەپارتامەنتٸنٸڭ باسپاسٶز قىزمەتٸ.
اپات سالدارىنان ٷش ادام قازا تاپتى. «Audi» كٶلٸگٸندە وتىرعان جٷرگٸزۋشٸ مەن مەن ونىڭ جولاۋشىسى وقيعا ورنىندا كٶز جۇمدى. كەيٸنٸرەك اۋرۋحانادا «Hyundai» جٷرگٸزۋشٸسٸ دە جان تاپسىردى. ال, «Lexus» جٷرگٸزۋشٸسٸ مەن ونىڭ ەكٸ جولاۋشىسى تٷرلٸ دەنە جاراقاتتارمەن ٶتەگەن باتىر كەنتٸندەگٸ اۋرۋحاناعا جاتقىزىلدى.
اتالعان دەرەك قر قك 345-بابى, 4-بٶلٸگٸ بويىنشا سوتقا دەيٸنگٸ تەرگەۋ باستالدى. تيٸستٸ ساراپتامالار تاعايىندالدى.تەرگەۋ بارىسىندا وقيعانىڭ ناقتى سەبەپتەرٸ مەن مەن-جايى انىقتالادى.
