Foto: instagram.com/batyrbekov.a.a
"Jetisý" men "Báiterektiń" burynǵy qorǵaýshysy 26 jastaǵy Álibek Batyrbekov jol apatynan qaza tapty, - dep habarlaidy Tengrinews.kz agenttigi Tengri Sport saityna silteme jasap.
Oqiǵa 18 shildede keshke Almaty-Taldyqorǵan tasjolynda Qonaev mańynda bolǵan.
Toyota Land Cruiser Prado jol talǵamaityn kóligi jol jiegindegi qorshaýǵa soǵylǵan, temir kólikti tesip ótken.
"26 jastaǵy júrgizýshi saǵat 18:20 shamasynda tasjoldyń 109-shaqyrymynda róldi tizgindei almai, qorshaýǵa soqtyǵysty. Jol apaty saldarynan júrgizýshi alǵan jaraqattarynan jansaqtaý bóliminde qaza boldy. Eki jolaýshy zardap shegip, Qonaev aýrýhanasyna jatqyzyldy", - dedi jergilikti PD ókili.
Posmotret etý pýblikatsiiý v Instagram
Almaty oblysy Politsiia departamentiniń baspasóz qyzmeti eks-fýtbolshy Batyrbekovtyń qaza bolǵanyn rastap, áleýmettik jelide sportshynyń otbasy men jaqyndaryna kóńil aityp, jazba jariialady.
"Keshe Jetisý oblysynyń úzdik fýtbolshysy, balalar men jasóspirimder quramasynyń jattyqtyrýshysy Álibek Batyrbekov qaiǵyly oqiǵadan qaza boldy. Otbasyna qaiǵyryp kóńil aitamyz", - delingen jazbada.
Batyrbekov keiingi jyldary Taldyqorǵanda balalar jattyqtyrýshysy bolyp jumys istegen. 2012 jyly ol Almaty oblysynan Braziliiadaǵy "Ole Brazil" baǵdarlamasyn aiaqtaǵan tórt jigittiń biri edi.
Posmotret etý pýblikatsiiý v Instagram
