Almaty oblysynda 17 jastaǵy qyz zamandasyn pyshaqpen jaraqattaǵan, dep habarlaidy "Ult aqparat".
Almaty oblystyq Politsiia departamenti baspasóz qyzmetiniń málimetinshe, 13 maýsym kúni Qaratal aýdandyq politsiia basqarmasyna Ortalyq aýdandyq aýrýhanadan habarlama túsken - Bastóbe aýylynyń 17 jastaǵy turǵyny pyshaq jaraqatyn alǵan.
Tergeý barysynda anyqtalǵandai, zardap shekken qyz 17 jastaǵy kúdiktimen mektepten tanys jáne aralarynda jaǵymsyz qarym-qatynas bolǵan.
Oqiǵadan bir kún buryn olardyń arasynda kóshede kikiljiń týyndaǵan. Máseleni sońyna jetkizý úshin jábirlenýshi tanysyn túnde kezdesýge shaqyryp, ura bastaǵan. Soqqynyń astynda qalǵan ekinshi qyz qashyp qutylyp, óz úiiniń aýlasynda jasyrynǵan.
«Ol jerden jinalmaly pyshaq taýyp alyp, artynan kelgen zamandasynyń ishinen urǵan. Qylmys quraly aiǵaqzat retinde tárkilenip, iske dálel retinde tirkeldi.
Kúdikti ata-anasynyń qolyna tapsyryldy.
Qazir densaýlyqqa qasaqana ziian keltirý iaǵni, QR QK 106-baby 1-bóligine sáikes tergeý júrip jatyr», - delingen Almaty oblystyq Politsiia departamenti baspasóz qyzmeti jariialaǵan habarlamada.
Sondai-aq PD aqparatyna sáikes, Almaty oblysynyń Panfilov aýdanynda 19 jastaǵy turǵynnyń tóseginen, iaǵni matrats astynan pyshaq pen tapansha tabyldy. Aiǵaqzatty politseiler «Qarý» aldyn-alý profilaktikalyq sharasy barysynda izdep tapqan.
