17 tamyzdan bastap Almaty oblysynda karantin talaptary jeńildetilip, birqatar nysannyń jumys isteýine ruqsat beriledi, dep habarlaidy "Ult aqparat".
«Qoǵam men biznes ókilderiniń tilekterin eskere otyryp, karantindik sharalardy birtindep jeńildetemiz. Saýda úilerinde jumys isteýge ruqsat beremiz, jazǵy alańdardy ashamyz. Biraq, oblys turǵyndary men biznes ókilderi qaýipsizdiktiń negizgi erejelerin buzbaýy kerek. Iaǵni, jappai jinalatyn oryndarǵa barmai, qashyqtyq pen betperde rejimin saqtaýy kerek», - dedi Almaty oblysynyń bas sanitarlyq dárigeri Erǵali Sydymanov.
17 tamyzdan bastap jumysyn qaita bastaityn nysandar:
- saýda úileri, saýda jelileri, jabyq bazarlar tańǵy saǵat 10.00-den keshki 21.00-ge deiin, býtikter saǵat 11.00-den 17.00-ge deiin jumys isteitin bolady. Demalys kúnderi barlyq nysandardyń jumysy toqtatylady;
- dárihanalar men azyq-túlik dúkenderiniń jumysy 21.00-ge deiin uzartylady;
- azyq-túlik satatyn jáne azyq-túlik satpaityn jabyq bazarlar 30%-ǵa tolyqtyrýmen jumys isteidi. Kúndelikti saǵat 10.00-den 16:00-ge deiin, kóterme bazarlar tańǵy 06.00-den 12.00-ge deiin jumys jasaidy. Demalys kúnderi jabyq bolady;
- jazǵy ashyq alańdar otyrǵyzý oryndarynyń shektelýimen jumys isteidi (30 adam);
- 15 adamǵa arnalǵan balabaqshalarda kezekshi toptar ashylady;
- qoǵamdyq kólik tańǵy 06.00-den 22.00-ge deiin jáne keshki 17.00-den 21.00-ge deiin, 5 minýt aralyqpen, 50% tolyqtyrýmen qatynaidy;
- monshalar, saýnalar, fitnes-ortalyqtar, balalar túzetý kabinetteri, bilim berý ortalyqtary 50% tolymdyqpen qaita ashylady.
- sulýlyq salondary, shashtarazdar, SPA-kosmetologiialyq ortalyqtary, aldyn ala jazylý boiynsha qyzmet kórsetedi.
Sondai-aq 17 tamyzdan keiin birqatar tyiymdar saqtalady:
- oiyn-saýyq, sporttyq, otbasylyq, estelik, saltanattary jáne basqa da úlken is-sharalardy ótkizýge tyiym salynady.
- bar, túngi jáne oiyn-saýyq klýbtarynyń, karaoke, fýdkorttardyń, kinoteatrlardyń jáne balalar men eresekterge arnalǵan basqa da oiyn-saýyq oryndarynyń jumysyna ruqsat berilmeidi.
- mádeniet nysandarynyń, murajailardyń qyzmeti, konferentsiialar, kórmeler, forýmdar ótkizýge bolmaidy.
- basseinder, qalalyq jáne qoǵamdyq jaǵajailar, ashyq akvaparkter ashylmaidy.
- dini nysandardyń, qalamańy jáne qalaaralyq avtobýstardyń jumysyna tyiym salynǵan (shaǵyn avtobýstardy qospaǵanda).
