Almaty oblysynda 14 jáne 16 jastaǵy jasóspirimder joǵalyp ketti, dep habarlaidy "Ult aqparat".
Almaty oblystyq politsiia departamenti baspasóz qyzmetiniń málimetinshe, 2004 jyly týǵan Lýnina Elizaveta men 2006 jylǵy Lýnin Vitalii 12 qańtar kúni úiden shyǵyp ketip, qaita oralmaǵan.
Qaratal aýdanyna qarasty Ortatóbe aýylynyń turǵyndaryn izdeýge tártip saqshylary kirisip ketken. Elizaveta ústine ton, qara shalbar, qara etik kigen. Al Vitaliidiń ústinde - qara kúrteshe, basynda - jasyl malaqai, aiaǵynda - qara krossovki bolǵan.
«Eger kimde-kim iz-túzsiz joǵalǵan adamdar jaily qandai da bir aqparat biletin bolsa, 8 (72834) 2-10-02 jáne 8 (705)195-87-97 telefondaryna nemese 102 nómirine, Qaratal aýdandyq politsiia bólimshesine habarlasýyn suraimyz» delingen vedomstvo málimetinde.
