Almaty oblysynda 1 mln teńge jalǵan aqsha jasap ótkizgen azamat sottaldy, dep habarlaidy QR Qarjy ministrligi Qarjy monitoringi komitetiniń baspasóz qyzmeti.
Baspasóz qyzmeti taratqan aqparattarǵa qaraǵanda, QR Qarjy ministrligi Qarjy monitoringi komitetiniń Almaty oblysy boiynsha ekonomikalyq tergeý departamenti qyzmetkerleri 1988 jyly týǵan, QR azamatyna qatysty jalǵan kýpiýralardy daiyndaý, saqtaý, tasymaldaý jáne satý boiynsha qylmystyq iske tergeý júrgizdi.
Tergeý barysynda Almaty qalasynyń týmasy Almaty oblysy aýmaǵynda jalpy somasy 1 mln. teńgeden asatyn nominaly 5 000 teńge bolatyn jalǵan aqsha ótkizgeni anyqtaldy.
«Sot úkimi boiynsha aiyptalýshy qylmysty jasaǵany úshin QR QK 231 babynyń 1 tarmaǵyna sáikes kináli dep tanylyp, oǵan 2 jyl 6 aiǵa bas bostandyǵynan aiyrý jazasy taǵaiyndaldy»,-delingen baspasóz málimetterinde.
