Keshe Almaty oblysynyń ákimi Amandyq Batalovtyń tóraǵalyǵymen oblystyq aktivtiń otyrysy ótti, dep habarlaidy "Ult aqparat" Almaty oblysy ákimdiginiń resmi saityna silteme jasap.
Otyrysta QR Bas Prokýrorynyń orynbasary Erlik Kenenbaev oblys aktivine Almaty oblysynyń jańa prokýrory Jylqybekov Azamat Sembaiulyn tanystyrdy.
Almaty oblysynyń ákimi Amandyq Batalov birinshi kezekte Almaty oblysynyń prokýrory bolǵan Mirazov Ǵabit Tóreulynyń 5 jylda atqarǵan jumysyna oń baǵa berip, ortaq múddege jetý maqsatynda birlese atqarǵan eńbegi úshin alǵysyn bildirdi.
Otyrys barysynda Erlik Ábdiraqymuly jańadan taǵaiyndalǵan oblys prokýrorynyń iskerlik, kásibi jáne adami qasietterine jekelei toqtalyp, onyń prokýratýra salasynda uzaq jyldar boiy eńbek ótiliniń baryn jáne bul laýazymdy alyp júrýine tolyqtai bilimi men biliktiliginiń jetetindigin atap ótti.
Eskerte ketetin bolsaq, buǵan deiingi Almaty oblysynyń prokýrory bolǵan Mirazov Ǵabit Tóreuly Almaty qalasynyń prokýrory bolyp taǵaiyndaldy.
