Almaty oblysynyń Panfilov aýdanynda para alǵan sheneýnikterge úkim shyqty, - dep habarlaidy "Ult aqparat".
Is materialyna sáikes, Panfilov aýdany ákiminiń orynbasary T esimdi azamat 200 myń teńge para alǵan. Ol QR QK 366 babynyń 2 tarmaǵy boiynsha kináli dep tanylyp, 6 000 000 teńge aiyppul salyndy.
Sondai-aq atalǵan aýdannyń qurylys bóliminiń bas mamany K. 100 000 teńge jáne osy bólimniń jetekshisi I. 50 myń teńge para alǵan. Anyqtalǵandai, «Tehno Snab 2002» JShS-niń menedjeri S. birneshe ret para bergeni anyqtaldy. Jalpy qarajat kólemi 350 myń teńge. Sottalýshy K. QR QK 366 babynyń 1-bóligi boiynsha kináli dep tanylyp, oǵan 2 500 000 teńge, al I. esimdi azamatqa 1 250 000 teńge aiyppul salyndy. Al parany bergen JShS-niń S. esimdi menedjeri 7 000 000 teńge aiyppul tóleitin boldy. Bul qarajat memlekettiń paidasyna óndiriledi. Barlyq sottalýshylar memlekettik qyzmette, quzyrly organda jumys isteý quqyǵynan ómir boiyna aiyryldy.
Anyqtalǵandai, Panfilov aýdanynyń qurylys bólimi «Tehno Snab 2002» JShS-i arasynda qurylys jumystary boiynsha kelisimshart jasalǵan. Atalǵan seriktestik Penjim (Nurkent) aýylynda 60 páterli turǵyn úi salǵan. Bul jumystarǵa 993 440 000 teńge qarjy bólingen. Atqarylǵan jumystardyń aktisine jáne aldaǵy ýaqytta da qamqorlyq kórsetý úshin sheneýnikter atalǵan seriktestiktiń menedjerinen para alǵan.
Sot úkimi kúshine engen joq.
