Foto: matritca.kz
Almaty oblysy boiynsha sybailas jemqorlyqqa qarsy qyzmet «Almaty oblysynyń mádeniet, muraǵattar jáne qujattama basqarmasy»» memlekettik mekemesiniń basshysyna jáne basqa da adamdarǵa qatysty sotqa deiingi tergeý júrgizip jatyr, dep habarlaidy "Ult aqparat" vedomstvonyń baspasóz qyzmetine silteme jasap.
Laýazymdy tulǵa qolma-qol aqshaǵa ainalǵan jáne óz qalaýy boiynsha paidalanylǵan biýdjet qarajatyn jymqyrdy degen kúdikke ilingen.
"Memlekettik organnyń basshysy 30 sáýirde Ile aýdany tergeý sotynyń sanktsiiasymen qamaýǵa alyndy.
Sotqa deiingi tergeý jalǵasyp jatyr. QR QPK-niń 201-babyna sáikes tergeý múddesinde ózge aqparat jariia etýge jatpaidy.
Konstitýtsiianyń 77-baby 3-tarmaǵynyń 1-tarmaqshasyna jáne qylmystyq is júrgizý kodeksiniń 19-baby 1-bóligine sáikes, qylmystyq quqyqbuzýshylyq jasaýdaǵy kinási sottyń zańdy kúshine engen úkimimen belgilengenge deiin árqaisysy kinásiz dep esepteledi" - delingen habarlamada.
