Almaty oblysynda bilim salasyndaǵy sybailas jemqorlyq máseleleri boiynsha kolledjder men joǵary oqý oryndarynyń stýdentteri arasynda anonimdi saýalnama ádisimen áleýmettik zertteý júrgizildi.
Áleýmettik saýalnamaǵa Almaty oblysynan barlyǵy 4290 stýdent qatysqan.
Saýalnama nátijesi boiynsha, «sybailas jemqorlyq degen ne jáne onyń sebepteri» degen suraqqa 99,3 paiyz stýdent tolymdy ári durys túsinikte jaýap bergen.
Sonymen qatar, saýalnamaǵa qatysqan stýdentterdiń 35,1 paiyzy qarjylyq baqylaý sybailas jemqorlyqpen kúresýdiń eń tiimdi ádisi dep sanaitynyn atap ótken. Stýdentterdiń 21,3 paiyzy bilim alyp jatqan oqý oryndarynda sybailas jemqorlyq faktileriniń bar ekendigin belgilegen. 46,2 paiyz stýdent jemqorlyqtyń túrleri kóbinese memlekettik emtihandar ótkizgen kezde bolatyndyǵy týraly aitqan. «Sybailas jemqorlyqtyń faktileri týraly habarlaýǵa daiynsyz ba» degen suraqqa respondentterdiń 30,6 paiyzy kelisken, sondai-aq, stýdentterdiń 25,3 paiyzy tek jasyryn túrde habarlaýǵa daiyn ekendigin atap ótken.
«Jalpy alǵanda, Almaty oblysynyń bilim berý uiymdarynda sybailas jemqorlyqqa qarsy kúres boiynsha jumys oń úrdisterge ie ekendigi kórsetilgen, biraq sybailas jemqorlyqqa qarsy bilim berý baǵdarlamalaryn odan ári jetildirý jáne oqýshylar arasynda sybailas jemqorlyqqa qarsy mádenietti qalyptastyrý boiynsha jumysty kúsheitý qajet», - delingen Sybailas jemqorlyqqa qarsy is-qimyl agenttiginiń Almaty oblysy boiynsha departamentiniń habaralamasynda.
