Atalmysh oblysta meditsina salasynda ońdy jumystar atqarylyp, týberkýlez aýrýlary 5%-ǵa tómendegen. Bul týraly Úkimet otyrysynda Almaty oblysynyń ákimi Amandyq Ǵabbasuly Batalov málimdedi.
Almaty oblysynyń alǵashqy meditsinalyq sanitarlyq kómek kórsetý qyzmeti barlyq meditsinalyq uiymdarda naýqastardy basqarý baǵdarlamasy 3 top boiynsha júzege asyrylyp keledi.
«Memlekettik jekeshelik áriptestik aiasynda 7 jobany iske asyrý josparlanǵan. Onyń ishinde IT salasynda White Soft seriktestigimen Almaty oblysynda meditsinalyq aqparattyq júieler keshenin engizý jáne uiymdastyrý jobasy júzege asyrylýda», – dedi A. Batalov.
Aǵymdaǵy jyly oblysqa densaýlyq saqtaý salasy boiynsha 150 jas maman kelgen onyń 51 áleýmettik paketter alyp, 12-ne turǵyn úi alýǵa jeńildikpen nesie berilgen, jáne 14 maman páterge ie bolǵan.
«Oblysta kompiýterlik jabdyqtarmen jabdyqtaý kórsetkishi boiynsha 90,4 %-dy quraidy. Al internet jelisine qoljetimdilik 100% oryn alǵan. 2018 jyldyń sońyna deiin kompiýtermen jabdyqtaýdy 100%-ǵa jetkizý kózdelip otyr» – dep aityp ótti Almaty oblys ákimi.
Sondai-aq, júzege asyrylyp otyrǵan baǵdarlama nátijesinde 21 kórsetkishtiń 7-ne qol jetkizilmegenin eskere otyryp, ol kórsetkishterdi oryndaý sharalary qazirgi mezette iske asyrylý ústinde ekenin eskertti.
«Júzege asyrylý kerek kórsetkishterdiń birinshisi meditsinalyq uiymdarynyń materialdyq-tehnikalyq bazasyn nyǵaitý boiynsha jaqsartylý jumystary júrgizilýde, ekinshiden dárigerlerdiń biliktiligin arttyrý sonyń ishinde shetelde oqytý máselesi boiynsha jergilikti biýdjetten 2 mln. teńgeden astam qarjy bólinip otyr, úshinshiden 18 meditsinalyq nysan salynýda, 5 nysanǵa kúrdeli jóndeý jumystary júrgizilýde», – dep baiandady oblys ákimi.
Sondai-aq, iske asyrylatyn basqa jobalarmen qosa Almaty oblysynyń densaýlyq saqtaý salasynda kúrdeli jumystar júrgizýge 4,8 mlrd. teńge bólingen bolatyn. Memlekettik-jekemenshik seriktestigi mehanizmin qoldaný arqyly Taldyqorǵan qalasynda jalpy quny 7 mlrd. teńge bolatyn meditsinalyq aqparattyq júieler men avtomattandyrý keshenin engizýdiń eki jobasy júzege asyrylýda. Biylǵy jyly mindetti meditsinalyq saqtandyrý júiesine kóshýdiń daiyndyq jumystaryn aiaqtalyp, densaýlyq saqtaý júiesin tsifrlandyrý arqyly meditsinalyq kómektiń qoljetimdiligi men tiimdiligi oblysta artyp keledi.
Oblysta memelekettik baǵdarlamanyń barlyq baǵyttary boiynsha densaýlyq saqtaý salasynda jumystar ári qarai qarqyndy jalǵasýda
Aita ketelik, «Tsifrlyq Qazaqstan» memlekettik baǵdarlamasy aiasynda «aqyldy qalalardyń» tiptik tujyrymdamasy vitse-premer ministr Asqar Jumaǵalievtiń bastamasymen Aqparat jáne kommýnikatsiialar ministrligimen birge «Zerde» ulttyq infokommýnikatsiia holdingimen» júzege asyrylyp jatyr.
